Махмұд Сабырхан Азия чемпионатындағы екінші қарсыласын да мерзімінен бұрын жеңді (видео)

Қазақстандық боксшы Махмұд Сабырхан Таиландта өтіп жатқан Азия чемпионатының жартылай финалына жолдама алды. Бұл туралы KAZ.NUR.KZ хабарлайды.

Қазақстандық боксшы Махмұд Сабырхан (54 кг) Таиландтың Чиангмай қаласында өтіп жатқан Азия чемпионатының ширек финалдық жекпе-жегінде жеңіске жетті.

Ширек финалда оның қарсыласы Шри-Ланка өкілі Джаятнатх Кумар болды. Махмұд Сабырхан екінші раундта қарсыласын бірнеше мәрте нокдаунға түсіргесін, төреші жекпе-жекті тоқтатты. Осылайша қазақстандық боксшы жартылай финалға жолдама алды.

Ерлер арасындағы жартылай финалдық жекпе-жектер 8 желтоқсанға жоспарланған.

Еске сала кетейік, 2023 жылғы әлем чемпионы және 2022 жылғы Азия чемпионатының күміс жүлдегері Махмұд Сабырхан үшін бұл біріншіліктегі екінші кездесуі болды. Ол 1/8 финалда тайваньдық Лай Ян-Линді бірінші раундта мерзімінен бұрын жеңген еді.

Мәтіннен қате тапсаңыз, бізге жазыңыз