Қазақстандық боксшы Гүлсая Ержан Таиландтағы Азия чемпионатының финалына шықты. Бұл туралы KAZ.NUR.KZ тілшісі хабарлайды.
Гүлсая Ержан 81 кг салмақ дәрежесіндегі жартылай финалда өзбекстандық Сохибо Рузметовамен жұдырықтасты. Бұл бәсекенің нәтижесінде Гүлсая төрешілердің шешімімен жеңіске жетті. Ол қарсыласын екі рет нокдаунға жіберді.
Осылайша Гүлсая Ержан құрлықтық біріншіліктің финалына шығып, алтынға таласатын болды. Ал Сохибо Рузметова Таиландтағы турнирді қола медальмен аяқтайды.
Бұған дейін Қазақстан әйелдер құрамасынан Виктория Графеева, Аида Әбікеева және Наталья Богданова финалға өткен еді. Ал Әйгерім Сәттібаева, Жазира Орақбаева, Ұлжан Сәрсенбек, Милана Сафронова және Диана Мағауияева жартылай финалда жеңіліп, қола жүлде еншіледі.
Мақаланың түпнұсқасы: https://kaz.nur.kz/sport/boxing/2197511-boksshy-gulsaia-erzhan-aziia-chempionatynyng-altynyna-talasady/
