Ерасыл Жақпеков өзбек боксшысына есе жіберіп, Азия чемпионатының қола жүлдесін еншіледі

Қазақстандық боксшы Ерасыл Жақпеков Таиландтағы Азия чемпионатының жартылай финалында күш сынасты. Бұл туралы KAZ.NUR.KZ хабарлайды.

Ерасыл Жақпеков (80 кг) жартылай финалдық бәсекеде өзбекстандық Турабек Хабибуллаевпен кездесу өткізді. Нәтижесінде Ерасыл Жақпеков қарсыласынан төрешілердің бірыңғай шешімімен жеңіліп қалды. Осылайша ол Азия чемпионатының қола жүлдегері атанды.

Ерасыл Жақпеков жарысты бірден ширек финалдан бастады. Оның алғашқы қарсыласы қырғызстандық Сағын Сатыбалдыұлы болды. 80 кг салмақ дәрежесіндегі жекпе-жекте қазақ боксшысы төрешілердің шешімімен жеңіске жетті (5:0).

Айта кетейік, Таиландтың Чиангмай қаалсында өтіп жатқан бокстан Азия чемпионатының финалдық бәсекелері 11 желтоқсанда өтеді деп жоспарланған.

Мәтіннен қате тапсаңыз, бізге жазыңыз