Бокстан Қазақстан ерлер құрамасының мүшесі Абылайхан Жүсіпов Таиландтағы Азия чемпионатының финалына шықты. Бұл туралы KAZ.NUR.KZ тілшісі хабарлайды.
Абылайхан Жүсіпов 71 кг салмақ дәрежесіндегі жартылай финалда тәжікстандық Шохобжан Шукуровпен жұдырықтасты. Үш раундқа созылған тартысты бәсекеде қазақстандық боксшы төрешілердің бірыңғай шешімімен жеңіске жетті.
Айта кетейік, Абылайхан Жүсіпов – әлем чемпионатының үш дүркін қола жүлдегері (2017, 2019, 2021) және Азия чемпионатының күміс жүлдегері (2017).
Осыған дейін Қазақстан ерлер құрамасынан 4 боксшы Азия біріншілігінің финалына жолдама алды. Атап айтқанда, Санжар Тәшкенбай, Махмұд Сабырхан, Оразбек Асылқұлов, Дулат Бекбауов алтын жүлдеге таласады.
Мақаланың түпнұсқасы: https://kaz.nur.kz/sport/boxing/2197710-qazaqstan-erler-quramasynan-besinshi-boksshy-aziia-chempionatynyng-finalyna-shyqty/
