Боксшы Гүлсая Ержан Азия чемпионатында алтын медаль жеңіп алды

Қазақстандық боксшы Гүлсая Ержан Таиландтағы Азия чемпионатының жеңімпазы атанды. Бұл туралы KAZ.NUR.KZ тілшісі хабарлайды.

Гүлсая Ержан 81 кг салмақ дәрежесіндегі финалда украиналық Карине Айрапетянмен жұдырықтасып, 5:0 есебімен жеңіске жетті.

Айта кетейік, Гүлсая Ержан жартылай финалда өзбекстандық Сохибо Рузметовадан басым түскен еді. Қазақстандық боксшы қарсыласын екі рет нокдаунға жіберген.

Қазір Қазақстан қоржынында Таиландтағы Азия чемпионатының 4 алтын, 6 қола жүлдесі бар. Осыған дейін Виктория Графеева (60 кг), Аида Әбікеева (63 кг), Наталья Богданова (70 кг) Азия чемпионы атанған болатын.

Ал Әйгерім Сәттібаева (48 кг), Жазира Орақбаева (52 кг), Ұлжан Сәрсенбек (57 кг), Милана Сафронова (66 кг) және Диана Мағауяева (75 кг), сондай-ақ ерлер арасында Ерасыл Жақпеков (80 кг) жартылай финалда жеңіліп, қола жүлде еншіледі.

Мәтіннен қате тапсаңыз, бізге жазыңыз