Елдана Тәліпова өзбек боксшысын жеңіп, Азия чемпионы атанды

Бокстан Қазақстан әйелдер құрамасының мүшесі Елдана Тәліпова Таиландтағы Азия чемпионатының жеңімпазы атанды. Бұл туралы KAZ.NUR.KZ тілшісі хабарлайды.

Елдана Тәліпованың ақтық сындағы қарсыласы өзбек боксшысы Олтиной Сотимбоева болды. 81 килограмнан жоғары салмақ дәрежесіндегі жекпе-жекте Тәліпова 4:1 есебімен жеңіске жетіп, алтын медаль еншліеді.

Қазір Қазақстан қоржынында Таиландтағы Азия чемпионатының 5 алтын, 6 қола жүлдесі бар. Осыған дейін Виктория Графеева (60 кг), Аида Әбікеева (63 кг), Наталья Богданова (70 кг) және Гүлсая Ержан (81 кг) Азия чемпионы атанған болатын.

Ал Әйгерім Сәттібаева (48 кг), Жазира Орақбаева (52 кг), Ұлжан Сәрсенбек (57 кг), Милана Сафронова (66 кг) және Диана Мағауяева (75 кг), сондай-ақ ерлер арасында Ерасыл Жақпеков (80 кг) жартылай финалда жеңіліп, қола жүлде еншіледі.

Мәтіннен қате тапсаңыз, бізге жазыңыз