Өзін "Головкин" деп таныстыратын боксшы кәсіпқой спорттағы алғашқы кездесуінде жеңіске жетті (видео)
Опубликовано:
Геннадий Головкиннің жанкүйері әрі өзін оның тегімен таныстыратын аргентиналық боксшы София Роблес кәсіпқой бокстағы алғашқы кездесуін өткізді. Бұл туралы KAZ.NUR.KZ боксшының Х желісіндегі ресми парақшасына сілтеме жасап хабарлайды.
София Роблес Буэнос-Айресте өткен бокс кешінде аргентиналық Виктория Мануэла Ромеромен кездесу өткізді. Төрт раундқа жоспарланған кездесуде София Роблес қарсыласын төрешілердің бірыңғай шешімімен жеңіске жетті.
Кәсіпқой бокста София Роблес өзін "Головкина" лақапатымен таныстырып жүр. Тіпті Геннадий Головкиннің тегі оның жекпе-жекке киіп шығатын киімінде де жазылған. Әлеуметтік желідегі парақшасында спортшы өзін "София Головкина" деп атайды.
Айта кетейік, биыл көктемде София Роблес GGG-мен шынайы өмірде кездесті. Бұл кездесу Италиядағы Олимпиада қарсаңындағы лицензиялық турнирде болды. София Роблес Париж Олимпиадасына қатысу үшін жолдама алу мақсатында бұл турнирге қатысқан, ал Геннадий Головкин Қазақстан делегациясының құрамында Ұлттық Олимпиада комитетінің президенті ретінде қатысты.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2198792-ozin-golovkin-dep-tanystyratyn-boksshy-kasipqoi-sporttagy-algashqy-kezdesuinde-zhengiske-zhetti-video/