Қазақстандық боксшы Дулат Бекбауов Таиландтағы Азия чемпионатының күміс жүлдегері атанды. Бұл туралы KAZ.NUR.KZ тілшісі хабарлайды.
Дулат Бекбауовтың финалдағы қарсыласы өзбек боксшысы Мужибилло Тұрсынов болды. 67 кг салмақ дәрежесіндегі жекпе-жекте Тұрсынов төрешілердің шешімімен жеңіске жетті.
Айта кетейік, 29 жастағы Дулат Бекбауов – 2023 жылғы әлем чемпионатының күміс жүлдегері. Сондай-ақ оның еншісінде 2022 жылғы Азия біріншілігінің күмісі бар.
Бұған дейін Қазақстан ерлер құрамасынан 3 боксшы финалда сынға түсіп, үшеуі де өзбекстандық спортшылармен жұдырықтасты. Санжар Тәшкенбай мен Оразбек Асылқұлов қарсыластарына есе жіберіп, күміс жүлде иеленді. Ал Махмұд Сабырхан жеңіске жетіп, алтын медаль еншіледі.
Мақаланың түпнұсқасы: https://kaz.nur.kz/sport/boxing/2198978-dulat-bekbauov-aziia-chempionatynyng-finalynda-ozbek-boksshysynan-zhengilip-qaldy/
