Қазақстандық спортшы танымал қырғызстандық файтерді спарринг кезінде нокдаунға түсірді (видео)

Белгілі қазақстандық спортшы Ануарбек Бекембетов атақты қырғызстандық файтер Қанат Келдібековті спарринг кезінде нокдаунға түсірді. Бұл туралы KAZ.NUR.KZ Ануарбек Бекембетовтің Instagram желісіндегі ресми парақшасына сілтеме жасап хабарлайды.

Белгілі қазақстандық спортшы, халық арасында "Мотиватор" лақап атымен танымал Ануарбек Бекембетов 21 желтоқсанда Бішкек қаласында өтетін кәсіби бокс кешінде өнер көрсетеді

Ануарбек Бекембетов Бішкекте жергілікті спортшы, "Тайсон" лақап атымен танымал Қанат Келдібековпен (22-9) бокс ережесіне сәйкес спарринг өткізді. Әлеуметтік желілерде тараған видеоға қарағанда, Ануарбек алдымен қарсыласын нокдаунға жіберіп, кейін бірнеше соққыны дөп тигізіп, үстемдік танытқан. Спарринг аяқталған соң, екі спортшы бір-бірін дос ретінде құшақтап, жаттығуды аяқтады.

Айта кетейік, ертең, 21 желтоқсанда Ануарбек Бекембетов қырғызстандық Бексұлтан Таалайұлына қарсы Alatoo Boxing промоушенінің алғашқы турнирінде кездесу өткізеді.

Мәтіннен қате тапсаңыз, бізге жазыңыз