ММА жауынгері Жалғас Жұмағұлов өз мансабында алғаш рет кәсіпқой бокс кешінде өнер көрсетті. Бұл туралы KAZ.NUR.KZ хабарлайды.
Жалғас Жұмағұлов Астанада өткен Fight Nights Boxing бокс кешінде өнер көрсетті. Ол Норвегия спортшысы Раванд Оубамен (1-0, 0 КО) төрт раундтық жекпе-жекте кездесті. Тартысты өткен жекпе-жек нәтижесінде төрешілердің шешімі бойынша Жалғас Жұмағұлов жеңіске жетті.
Осылайша, Жалғас Жұмағұлов кәсіби бокстағы дебютін сәтті бастаса, Раванд Оуба мансабындағы алғашқы жеңілісіне ұшырады.
Жалғас Жұмағұлов UFC промоушенінде 2020-2023 жыл аралығында өнер көрсетті. Осы кезеңде ол 1 рет жеңіске жетсе, 6 мәрте жеңіліс тапты.
Айта кетейік, осы бокс кешінің басты жекпе-жегінде қазақстандық боксшы Дәулет Дәукенов (14-2, 6 КО) колумбиялық Марлон Агуасты (15-2, 9 КО) төрешілердің бірыңғай шешімімен жеңді.
Мақаланың түпнұсқасы: https://kaz.nur.kz/sport/boxing/2203116-ufc-ding-buryngy-zhauyngeri-zhalgas-zhumagulov-kasipqoi-bokstagy-algashqy-zhekpe-zhegin-otkizdi/
