Жалғас Жұмағұлов кәсіпқой бокстағы екінші кездесуін өткізеді: Fight Night лигасының басшысы маңызды мәлімдеме жасады
Опубликовано:
Fight Night Global лигасының басшысы Камил Гаджиев танымал ММА спортшылары – қазақстандық Жалғас Жұмағұлов пен ресейлік Али Багаудинов арасында үлкен бокс жекпе-жегін өткізуді жоспарлап отыр. Бұл туралы KAZ.NUR.KZ Камил Гаджиевтің YouTube желісіндегі ресми арнасына сілтеме жасап хабарлайды.
"Осы жазда Ақтөбедегі стадионда Али Багаудинов пен Жалғас Жұмағұлов арасындағы кездесуді өткізгім келеді. Үш бейтарап төреші болады, жекпе-жек соңы ешқандай дауға апармайды. Неге бұл кездесуді өткізбеске? Алидің бокстағы тәжірибесі бар, ал Жалғас та өзін бұл қырынан дәлелдей бастады", - деді Камил Гаджиев.
Естеріңізге сала кетейік, 2019 жылы Сочи қаласында өткен Fight Night Global 95 турнирінде Жалғас Жұмағұлов ресейлік Али Багаудиновті төрешілердің бірыңғай шешімімен жеңген болатын.
Сондай-ақ өткен аптада Жалғас Жұмағұлов Астанада өткен Fight Night кәсіби бокс турнирінде дебют жасады. Ол норвегиялық Раванд Оубаны төрешілердің бірыңғай шешімімен жеңіп, кәсіпқой бокстағы алғашқы жеңісіне қол жеткізді.
Мәтіннен қате тапсаңыз, бізге жазыңыз