Кәсіпқой боксшы Данияр Елеусіновтің келесі жекпе-жегі қашан өтетіні белгілі болды

Жартылай орта салмақтағы кәсіпқой боксшы Данияр Елеусінов (12-0, 7 КО) қашан шаршы алаңға оралатынын белгілі болды. Бұл туралы KAZ.NUR.KZ All Stars Boxing промоутерлік компаниясының Instagram желісіндегі ресми парақшасына сілтеме жасап хабарлайды.

All Stars Boxing промоутерлік компаниясы Данияр Елеусіновтің шаршы алаңға қашан оралатыны туралы ресми мәлімдеме жасады.

Промоутерлік компанияның мәліметінше, кәсіпқой боксшы Данияр Елеусінов 28 ақпанда Астанада жекпе-жек өткізеді.

Айта кетейік, Данияр Елеусінов IBO тұжырымы бойынша жартылай орта салмақта әлем чемпионы атанған.

Қазақстандық боксшы соңғы жекпе-жегін қыркүйек айында Алматыда өткізген болатын. Сол кеште ол филиппиндік былғары қолғап шебері Джо Нойнаймен (23-4-2, 11 КО) кездесіп, қарсыласы бесінші раундтан кейін жекпе-жекті жалғастырудан бас тартқан еді.

Мәтіннен қате тапсаңыз, бізге жазыңыз