Танымал өзбекстандық боксшы Жалоловтың жекпе-жегі өтпейтін болды
Опубликовано:
Аса ауыр салмақтағы өзбекстандық боксшы, екі дүркін Олимпиада чемпионы Баходир Жалоловтың 6 ақпанға жоспарланған жекпе-жегі өтпейтін болды. Бұл туралы Kazinform агенттігі Өзбекстан кәсіпқой бокс федерациясына сілтеме жасап хабарлайды.
Агенттіктің жазуынша, Баходир Жалоловтың келесі жекпе-жегі 6 ақпанда таңертең Канаданың Монреаль қаласында француз боксшысы Дэвид Спильмонтқа қарсы өтуі керек еді. Боксшылар тіпті ресми салмақ өлшеу рәсімін өткізіп үлгерген.
Алайда жекпе-жек тоқтатылған. Бұған Жалоловтың ерніндегі кішкентай ұшық себеп болған.
Жалпы Баходир Жалолов кәсіпқой мансабында осы уақытқа дейін 14 жекпе-жек өткізіп, барлығында жеңіске жеткен.
Дэвид Спильмонт осы уақытқа дейін 25 жекпе-жек (16 жеңіс, 18 жеңіліс, 1 тең ойын) өткізген. 11 жекпе-жегін нокаутпен жеңген.
Айта кетейік, бұған дейін орта салмақта WBO және IBF нұсқасы бойынша әлем чемпионы Жәнібек Әлімханұлының кезекті қарсыласы белгілі болғанын хабарлаған едік.
Қазақстандық боксшы алдағы жекпе-жегін франциялық Анауэль Нгамиссенгуге қарсы өткізеді. Бұл жекпе-жекте Әлімханұлы чемпиондық белдіктерін қорғайды.
Жекпе-жек 5 сәуір күні Астана қаласындағы "Барыс Арена" мұз сарайында өтеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2218484-tanymal-ozbekstandyq-boksshy-zhalolovtyng-zhekpe-zhegi-otpeitin-boldy/