Әлем чемпионаты: бүгін 13 қазақ боксшысы жартылай финалдың жолдамасын сарапқа салады

Англияның Ливерпуль қаласында өтіп жатқан әлем чемпионатының жетінші жарыс күнінде 13 қазақ боксшысы ширек финалда өнер көрсетеді. Олардың тізімін Қазақстан бокс федерациясы жариялады, деп хабарлайды KAZ.NUR.KZ.

10 қыркүйекте 1/4 финалда өнер көрсететін қазақ боксшылары.

Күндізгі сессия. Басталуы – 16:00

• 60 келі. Виктория Графеева vs Ситора Турдыбекова (Өзбекстан);
• 55 келі. Махмұд Сабырхан vs Руи Ямагучи (Жапония);
• 80 келі. Нұрбек Оралбай vs Джавохир Умматалиев (Өзбекстан);
• +80 келі. Елдана Тәліпова vs Селин Даниэль (Жаңа Зелендия);
• 70 келі. Төрехан Сабырхан vs Макан Траоре (Франция);
• 90 келі. Сағындық Тоғамбай vs Турабек Хабибулаев (Өзбекстан).

Кешкі сессия. Басталуы – 22:00

• 51 келі. Алуа Балқыбекова vs И-ксуан Гуо (Тайпей);
• 57 келі. Карина Ибрагимова vs Джулия Серемета (Польша);
• 65 келі. Аида Әбікеева vs Бусеназ Сурменели (Түркия);
• 80 келі. Гүлсая Ержан vs Есета Флинт (Австралия);
• 60 келі. Бибарыс Жексен vs Абдумалик Халоков (Өзбекстан);
• 65 келі. Ертуған Зейнулинов vs Асахуджа Муидинхуджаев (Өзбекстан);
• +90 келі. Айбек Оралбай vs Лука Пратлажачич (Хорватия).

Айта кетейік, кеше, 9 қыркүйекте шаршы алаңға шыққан қазақ боксшыларының ішінде 85 келіде сынға түскен Бекзат Нұрдәулетов жеңіліс тапты. Ол Грузия өкілі Георгий Кушиташвилиге 3:2 есебімен жол берді.

Осылайша, Қазақстан құрмасынан төрт боксшы әлем біріншілігіндегі жарыс жолын аяқтады. Олар: Элина Базарова, Надежда Рябец, Сабыржан Аққалықов, Бекзат Нұрдәулетов.

Мәтіннен қате тапсаңыз, бізге жазыңыз