Кроуфорд әйгілі "Канелоны" жеңіп, бокстан абсолютті әлем чемпионы атанды
Жарияланған күні:
Америкалық Теренс Кроуфорд әйгілі мексикалық боксшы Сауль "Канело" Альваресті жеңіп, оның абсолютті әлем чемпионы атағын тартып алды. Бұл туралы KAZ.NUR.KZ хабарлайды.
Қос спортшының қақтығысы Лас-Вегас қаласында өткен турнирдің басты жекпе-жегі болды. Альварес пен Кроуфордтың кездесуі он екі раундқа созылды. Алғашқы минуттардан бір-бірінің осал тұсын табуға тырысқан боксшылар жойқын соққылармен алмасты. Алайда бірінші раундта асқан белсенділік таныта алмады.
Жекпе-жек нәтижесінде америкалық боксшы төрешілердің шешімімен жеңіске жетті (116:112, 115:113, 115:113).
Осылайша, Теренс Кроуфорд абсолютті әлем чемпионы атанды. Оған қоса спортшы өзінің рекордын сақтап қалды. Ол кәсіпқой рингтегі 42 жекпе-жегінде де жеңімпаз болды, оның 32 кездесуін нокаутпен аяқтаған.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2285991-krouford-aigili-kanelony-zhengip-bokstan-absoliutti-alem-chempiony-atandy/