jitsu gif branding logo appbranding logo app
Спорт

    Алматыда дзюдодан Азия Кубогының қашан өтетіні белгілі болды

    дзюдо
    Фото: Қазақстанның дзюдо федерациясы

    Алматы қаласында Бекет Махмұтовты еске алуға арналған дзюдодан жасөспірімдер мен жастар арасында Азия кубогы өтеді, деп хабарлайды KAZ.NUR.KZ тілшісі Спортты дамыту дирекциясына сілтеме жасап.

    Байрақты бәсеке 7-9 сәуірде "Балуан Шолақ" атындағы спорт сарайында өтеді.

    Халықаралық дзюдо федерациясының күнтізбесіне сәйкес өткізілгелі отырған жарысқа 2006-2007 жылдары дүниеге келген жасөспірімдер мен 2003-2005 жылдары туған татами шеберлері қатысады.

    IJF ережесіне сәйкес Азия кубогының жеңімпаздары мен жүлдегерлеріне рейтингте ұпай қосылады.

    Жарыс жеңімпаздарына 100 ұпайдан берілсе, күміс жүлдегерге - 60, қола жүлдегерге - 40 ұпайдан беріледі.

    Биыл алтыншы рет ұйымдастырылып отырған Азия Кубогына Қазақстан, Өзбекстан, Тәжікстан, Қырғызстан, Моңғолия, Гонконг, Түркіменстан, Греция, Грузия және АҚШ-тан барлығы 400-ден астам дзюдошы қатысады деп жоспарланған.

    Айта кетейік, Бекет Сапабекұлы Махмұтов – 2009-2012 жылдар аралығындағы Қазақстан дзюдо федерациясының президенті. Сондай-ақ ол Азия дзюдо одағының вице-президенті қызметін атқарған.

    Дзюдодан Бекет Махмұтов атындағы турнир 2017 жылдан бері Алматы қаласында дәстүрлі түрде өткізіліп келеді.

    Алматыда дзюдодан Азия Кубогының қашан өтетіні белгілі болды

    Барлығын бірінші болып біліп отырыңыз

    Бізге жазылып, Қазақстанның өзекті жаңалықтарынан, қызықты суреттер, видеолар мен эксклюзивтерден хабардар болыңыз.

    Instagram
    Сақтаулылар
    Мұнда әзірше бос
    Жарияланым парақшасында «
    » батырмасын қолданып, оны сақтаулылар тізіміне қосыңыз.