Күрестен Бішкекте өткен беделді турнирде ел қоржынына бес медаль түсті

Бішкекте Қожамқұл Қабаұлы мен Ратбек Санатбаев атындағы күрестен рейтингтік турнир аяқталды. Шешуші жарыс күні еркін күрестен Ұлттық құрама 1 күміс, 4 қола медальге қол жеткізді, деп жазады KAZ.NUR.KZ тілшісі Спортты дамыту дирекциясына сілтеме жасап.

Сырбаз Талғат (70 келі) аса тартысты финалда қырғыз балуаны Орозобек Токтомамбетовке есе жіберді. Есеп: 3-2.

Ал Мейрамбек Қартбай (57 келі), Жігер Закиров (79 келі), Азамат Дəулетбеков (86 келі) қола жүлдеге ие болды. 

Айта кетейік, бұған дейін еркін күрестен 97 келіге дейінгі салмақта Нұрсұлтан Азов қола алған.

1. Еске сала кетейік, грек-рим күресінен әлем чемпионатының жүлдегері Мейірхан Шермаханбетке Үндістанның Дели қаласында кезекті ота жасалды.