Қазақ балуандары дзюдодан Grand Slam турнирінде ұтылып қалды

Моңғолия астанасы Ұлан-Батырда дзюдодан Grand Slam турнирінің алғашқы жарыс күні аяқталды. Бүгін екі қазақ спортшысы қола медаль үшін күресіп, жеңіліп қалды, деп хабарлайды KAZ.NUR.KZ.

Әйелдер арасында 48 келіге дейінгі салмақта бақ сынаған Ғалия Тынбаева бесінші орынға тұрақтады. Ол қола медаль үшін күресте португалиялық Катарина Костаға "ваззари" ұпайымен жол берді.

Ерлер арасында 60 келіге дейінгі салмақта сынға түскен Нұрқанат Серікбаев та бестікке енді. Ол кіші финалда биылғы әлем чемпионатының қола жүлдегері, Оңтүстік Корея өкілі Ли Ха Римге қосымша уақытта есе жіберді.

Ал бүгін татамиге шыққан Шерзад Давлатов (60 келі), Ғұсман және Ғұмар Қырғызбаевтар (66 келі) турнирді алғашқы айналымдарда аяқтаған болатын.

Grand Slam турнирі жексенбі күні мәресіне жетеді.

Мәтіннен қате тапсаңыз, бізге жазыңыз