Қазақ балуаны Ризабек Айтмұхан күрестен әлем чемпионатының финалына шықты

Иордания астанасы Амманда күрес түрлерінен 20 жасқа дейінгі балуандар арасындағы әлем чемпионаты өтіп жатыр. Екінші жарыс күнінде Ризабек Айтмұхан финалға шықты, деп хабарлайды KAZ.NUR.KZ.

Еркін күрестен 92 келіге дейінгі салмақта сынға түскен Ризабек іріктеуді екінші айналымнан бастады.

Алдымен қырғызстандық Нұрболат Абдулұлын 7:0 есебімен ұтса, кейін канадалық Самуэль Миклос Мария Перейраны 10:0 есебімен жеңді.

Жартылай финалда қазақ балуаны грузиялық Георгий Ромелавшилиден 11:1 есебімен басым түсті.

Ақтық сында Ризабек Айтмұхан ирандық Мохаммадмобин Азимимен белдеседі.

Еске сала кетейік, Ризабек Айтмұхан ересектер арасындағы Азия біріншілігінің күміс жүлдегері, 23 жасқа дейінгі спортшылар арасындағы Азия чемпионатының жеңімпазы.

Мәтіннен қате тапсаңыз, бізге жазыңыз