Иордания астанасы Амманда өткен күрес түрлерінен 20 жасқа дейінгі спортшылар арасындағы әлем чемпионатында қазақстандық балуан алтын медаль жеңіп алды. Бұл туралы KAZ.NUR.KZ хабарлайды.
Грек-рим күресінен 55 келі салмақ дәрежесінде сынға түскен Исхар Құрбаев чемпион атанды.
Ол чемпионат барысында түркиялық Эмре Мутлуді 6:1, түркменстандық Абдуали Рахымбаевты 8:0 есебімен жеңді.
Жартылай финалда қырғызстандық Нұрсұлтан Сүйеуқұловты ұтса, финалда әзербайжандық Фарих Садыхлыны 5:1 есебімен жеңген.
Осылайша, Исхар араға 7 жыл салып қазақ балуандары арасынан әлем чемпионатының алтынын алып отыр. Жеті жыл бұрын Темірлан Шадукаев чемпион атанған.
Мақаланың түпнұсқасы: https://kaz.nur.kz/sport/fight/2033159-qazaqstandyq-baluan-araga-zeti-zyl-salyp-alem-cempiony-atandy-video/
