Қазақстанға әлем чемпионатының медалін сыйлаған балуан әскери борышын өтеп жүр

Амманда өткен 20 жасқа дейінгі спортшылар арасындағы әлем чемпионатының жүлдегері Ризабек Айтмұхан әскери борышын ұмытқан емес. Бұл туралы Bassport.kz хабарлайды.

Еркін күрес шебері Ризабек 92 келіге дейін салмақта күміс медаль еншілген еді. Ол өзіне қай кездесу қиын соққанын айтып, сұхбат берді.

"Жастар арасындағы әлем чемпионатына екінші рет қатысып отырмын. Бұған дейінгі әлемдік аренадағы жалғыз жетістігім- Азия чемпионатындағы жүлдем болатын. Осы жолы жақсы дайындықпен келдім. Өз салмағымдағы басты фавориттердің бірі саналдым. Сондықтан бәрі менімен белдескенде аянып қалмады. Ең қиыны – финал болды. Өкінішке қарай, шешуші кезеңде ран елінің өкілі Мохаммадмобин Голомалиге есе жібердім. Бұйырғаны күміс медаль", - дейді Ризабек Айтмұқан.

Айта кетейік, спортшы қазіргі кезде Бауыржан Момышұлы атындағы 5571 әскери бөлімінде борышын өтеп жүр.

Ол өзіне қолдау көрсеткен Ұлттық ұлан қолбасшылығы мен "Динамо" спорт қоғамдастығына алғысын білдірді.

Мәтіннен қате тапсаңыз, бізге жазыңыз