Қазақ балуаны Ризабек Айтмұхан 20 жасында әлем чемпионатының финалына шықты

Сербия астанасы Белградта күрес түрлерінен әлем чемпионаты өтіп жатыр. Еркін күрестен 92 келіге дейінгі салмақта Ризабек Айтмұхан финалға шықты, деп хабарлайды KAZ.NUR.KZ.

Ризабек алғашқы айналымда Венгрия балуанын 13:3 есебіме. ұтса, екінші кезеңде биылғы Еуропа чемпионы, түркиялық Файзолла Актүрікті 11:0 есебімен жеңді.

Ал жартылай финалда қазақ балуаны грузиялық қарсыласын жеңіп, өз мансабында алғаш рет ересектер арасындағы әлем біріншілігінің финалына шықты.

Аталған салмақтағы финалдық белдесулер ертең өтеді. Ақтық сында Ризабек әзірбайжандық Осман Нурмогамедовпен белдеседі.

Сондай-ақ бүгін кілемге шыққан Мейрамбек Қартбай қола медальға таласады. Ол жартылай финалда жапондық балуанға есе жіберіп, финалдан сырт қалды.

Айта кетелік, бүгін 86 келідегі Азамат Дәулетбеков әлем чемпионатының қола медалі үшін белдеседі.

Мәтіннен қате тапсаңыз, бізге жазыңыз