Белградта өтіп жатқан күрестен әлем чемпионатында Қазақстан қоржынына алғашқы медальді салған Азамат Дәулетбеков өз жеңісіне қатысты пікір білдірді, деп хабарлайды KAZ.NUR.KZ.
86 келі салмақта бақ сынаған Азамат Дәулетбеков бахрейндік Магомед Шариповты жеңіп, ел қоржынына қола жүлдені салды.
"Өздеріңіз көргендей, соңғы секундтарда өз әдісімді жасап, Алланың қалауымен жеңіске жеттім. Бұл Олимпиада ойындарына жолдама ойнатылғаннан кейін әлем чемпионатының қола медалін қолдан жібергім келген жоқ. Барымды салдым. Осы жүлдеге ие болғаным - бар ынтамның арқасы деп ойлаймын. Әлем чемпионатына жақсы дайындалдық. Енді осы дайындықпен ары қарай Азия ойындарына кірісеміз", - деді спортшы .
Еске сала кетейік, Азамат Дәулетбеков еркін күрестен әлем чемпионатында қатарынан екінші рет қола медаль иеленіп отыр.
Мақаланың түпнұсқасы: https://kaz.nur.kz/sport/fight/2036963-barymdy-saldym-qazaq-baluany-songy-us-sekundta-qalai-zengenin-aitty-video/
