Күрестен Белградта өтіп жатқан әлем біріншілігінде екі дүркін Олимпиада, төрт дүркін әлем чемпионы Абдулрашид Садулаев жеңіліс тапты. Бұл туралы KAZ.NUR.KZ хабарлайды.
Садулаев өзінің отандасы, бірақ Бахрейн атынан сынға түсетін Ахмед Тажудиновке есе жіберді.
Есеп - 2:9, Тажудиновтің жеңісі.
Айта кетелік, еркін күрестен 97 келіге дейінгі салмақта Абдулрашид мойнынан да жарақат алып қалған болатын.
20 жастағы Тажудинов бірнеше жыл бойы жеңіліссіз келе жатқан Садулаевты алтын жүлдеден қақты.
Енді ресейлік балуан қола медальға таласады.
Айта кетелік, Абдулрашид Садулаев еркін күрестен Рио және Токио Олимпиадаларының чемпионы, 4 дүркін әлем чемпионы.
Мақаланың түпнұсқасы: https://kaz.nur.kz/sport/fight/2037103-20-zastagy-baluan-alemnin-tort-durkin-cempiony-sadulaevty-iri-eseppen-zenip-ketti/
