Азия ойындары-2023: дзюдодан Қазақстан әйелдер құрамасы жарысқа дайын ба

Қазақстан әйелдер құрамасының бас бапкері Ерлан Алпысбаев бүгінде қазақстандық спортшы Азия ойындарына дайындығы туралы айтты. Бұл туралы KAZ.NUR.KZ хабарлайды.

Қазақстан әйелдер құрамасының бас бапкері KAZ.NUR.KZ тілшісіне берген сұхбатында отандық спортшылардың қазіргі жағдайына тоқталды.

"Жаттығуымыз жақсы. Мынау енді соңғы жаттығуымыз болған. Қазір салмақтарын реттеп, ойларын дұрыстап, құлшынысымыз жақсы. Арғы жағында бізге тек олимпиадалық ойындарға қатысу үшін лицензия керек", - деді ол.

Ерлан Алпысбаев әйелдер құрамасынан қазақстандық дзюдошы Абиба Абужақынова жарақатынан кейін қайта қалпына келіп жатқанын айтты.

"Абиба бір жақсысы жарақатынан айықты. Қазір бәрі жақсы. Қарқынды жұмыс істеп жатырмыз. Бірақ әлі бұрынғы қалпына келе алмай жатыр", - дейді Ерлан Алпысбаев.

Сондай-ақ Қазақстан әйелдер құрамасының бас бапкері Ғалия Тынбаеваның неліктен 52 келілік санатқа ауысқанын айтты.

"Біз басында Абибаның жарақаты жазылмаса, басқасы қатысады деп ойлағанбыз. Ташкентке барып біраз күрескенбіз. Қазір мына жерде күресіп кетсе, мүмкін ары қарай 54-ке ауыстырармыз. Лицензия алуымыз мүмкін", - дейді ол.

Сонымен қатар бас бапкердің айтуынша, Камиланың да бүгінде жағдайы қалыпты.

Ерлан Алпысбаев қазақстандық спортшы қыздар бас жүлдеге таласа ала ма деген сұраққа жауап берді.

"Ертең не болатынын айту қиын, бірақ қыздардың бәрі таласа алатын деңгейде", - деді ол.

Мәтіннен қате тапсаңыз, бізге жазыңыз