Азиадада ел намысын қорғаған дзюдошы Дидар Хамза мансабын аяқтайтынын хабарлады
Опубликовано:
Қазақстандық дзюдошы Дидар Хамза Азия ойындарында сәтсіз өнер көрсеткеннен кейін спорттық мансабын аяқтайтынын хабарлады. Ол барша жанкүейрлерінен кешірім сұрады, деп жазады KAZ.NUR.KZ.
Дидар Хамза маңызды мәлімдемесін Instagram парақшасында жариялады. Ол соңғы жарысында жүлделі бола алмағаны үшін көпшіліктен кешірім сұрады.
"Ұлттық құрамада жүргеніме 11 жыл болыпты. Жасөспірім, жастар бәрін қосқанда осы уақытқа дейін қолдан келгенше күресіп мақсатыма жетпесем де, жүлделі орындардан көріндім. Осы уақытқа дейін қолдап, жанкүйер болған адамдарға алғысым шексіз. Соңғы жарысымда сіздерді қуанта алмағаным үшін кешірім сұраймын! Осымен спорттық мансабымды аяқтаймын", - деп жазды ол.
Айта кетейік, Дидар Хамза Азия ойындарында жүлдеге ие бола алмады.
Дидар мансабында 2018 жылғы Джакартадағы Азия ойындарында алтын медаль жеңіп, Гран-при чемпионы болды. Сонымен қатар оның WJT турнирлер сериясында бірнеше қола медальдары бар. Азия чемпионатының қола жүлдегері атанды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/fight/2038505-aziadada-el-namysyn-qorgagan-dzyudosy-didar-xamza-mansabyn-ayaqtaitynyn-xabarlady/