Балуан Асылжан Есенгелді әлем чемпионатының күміс жүлдегері атанды

Қазақстандық спортшы Асылжан Есенгелді 23 жасқа дейінгі балуандар арасындағы әлем чемпионатының күміс жүлдегері атанды, деп хабарлайды KAZ.NUR.KZ спортты дамыту дирекциясына сілтеме жасап.

Қазақстандық балуан Албания астанасы Тиранада өтіп жатқан бәсекенің финалында Башир Магомедовке (Ресей) есе жіберді. Кездесу 0-4 есебімен аяқталды.

Еркін күрестен ұлттық құрама спортшысы (61 кг) тартысты жартылай финалда қырғыз бозкілем шебері Тайырбек Жумашбек уулудан басым түскен. Оған дейін алғашқы белдесуінде жапониялық Каито Моританы, ширек финалда үндістандық палуан Акаш Дахияны сенімді жеңді.

Айта кетейік, Тиранадағы чемпионат 29 қазанда аяқталады. Осы жылы 23 жас санатындағы былтырғы 13 әлем чемпионы өз атағын қорғауға келді. Оның ішінде алтауы еркін, төртеуі грек-рим күресінде.

Мәтіннен қате тапсаңыз, бізге жазыңыз