Қазақстандық спортшы Сұлтан Әсетұлы Албания астанасы Тиранада өтіп жатқан 23 жасқа дейінгі балуандар арасындағы әлем чемпионатында топ жарды, деп хабарлайды KAZ.NUR.KZ ҚР cпортты дамыту дирекциясына сілтеме жасап.
Грек-рим күресінен 67 кг дейінгі салмақтың финалында Сұлтан түркиялық палуан Мұстафа Йылдырымның осал тұсып тапты. Аса тартысты өткен кездесу 2-1 есебімен аяқталды.
Сұлтан – 23 жасқа дейінгі санатта əлем чемпионы атанған тұңғыш қазақ балуаны.
Ұлттық құрама балуаны іріктеудегі украиналық Олег Халиловтан басым түскен. Сосын, Стив Момилиа (Италия) мен Муслим Имадаевты (Ресей) жеңді. Жартылай финалда Әзірбайжан спортшысы Хасан Маммадлиді айқын басымдықпен тізе бүктірді (9-0).
Қазір Албаниядағы бәсекеде Қазақстан қоржынында 1 алтын, 1 күміс пен 2 қола жүлде бар.
Мақаланың түпнұсқасы: https://kaz.nur.kz/sport/fight/2043099-qazaqstandyq-zas-baluan-alem-cempionatynyn-zenimpazy-atandy/
