2024 жылы 7-12 қазан аралығында Астанада грэпплингтен Әлем чемпионаты өтеді. Бұл туралы KAZ.NUR.KZ Халықаралық күрес ұйымының ресми сайтына сілтеме жасап хабарлайды.
Астанада грепплингтен 2023 жылғы Азия чемпионаты өткен болатын. Енді келер жылы барлық жас тобын қамтитын 15, 17 және 20 жасқа дейінгі жастар, ересектер мен ардагерлер арасындағы Әлем чемпионаты өтеді.
"2023 жылғы Әлем чемпионаты Польша астанасы Варшавада өтті. Біз грэпплинг-ги және грэпплинг-но-ги стиліндегі тамаша белдесулерге куә болдық. Астанада Халықаралық күрес ұйымының бірнеше жарысы өтті. Келер жылы өтетін грэпплингтен Әлем чемпионаты қаладағы жекпе-жек спортына леп береді", – делінген UWW ұйымының ресми хабарламасында.
Әлем чемпионатынан бөлек, 15-16 маусымда Венесуэланың Миранда қаласында грэпплингтен ересектер арасындағы Панамерика чемпионаты өтеді.
Қазақстан құрамасы Варшавада өткен Әлем чемпионатында үшінші жыл қатарынан үздік деп танылды.
Мақаланың түпнұсқасы: https://kaz.nur.kz/sport/fight/2048196-astanada-grepplingten-alem-cempionaty-otedi/
