Жамбыл облысы көш бастады: күрес түрлерінен ел чемпионатының нәтижесі қандай

Астанада күрес түрлерінен Қазақстан чемпионаты аяқталды. Бұл туралы KAZ.NUR.KZ Туризм және спорт министрлігінің Telegram-дағы ресми арнасына сілтеме жасап хабарлайды.

Жарыс қорытындысы бойынша жалпыкомандалық есепте Жамбыл облысы көш бастады. Ал екінші орынға Алматы қаласы жайғасса, үздік үштікті Маңғыстау облысы түйіндеді.

Жүлделер кестесі:

1. Жамбыл облысы — 2 алтын, 3 күміс, 1 қола;
2. Алматы қаласы — 2 алтын, 2 күміс;
3. Маңғыстау облысы — 1 алтын, 2 қола;
4. БҚО — 1 алтын, 1 қола;
5. Ақтөбе облысы — 1 алтын, 1 қола;
6. Астана қаласы — 1 алтын, 1 қола;
7. Жетісу облысы — 1 алтын, 1 қола;
8. СҚО — 1 алтын;
9. Алматы облысы — 3 күміс, 3 қола;
10. Атырау облысы — 2 күміс;
11. ШҚО — 3 қола;
12. Ақмола облысы — 3 қола;
13. Павлодар облысы — 1 қола;
14. Шымкент қаласы — 1 қола;
15. Түркістан облысы — 1 қола;
16. Қостанай облысы — 1 қола.

Айта кетейік, күрес түрлерінен Қазақстан біріншілігі 1-5 ақпан аралығында Астанадағы Жақсылық Үшкемпіров атындағы жекпе-жек спорт сарайында өтті. Жарысқа еліміздің 17 облысы мен Алматы, Астана, Шымкент қалаларынан 600-ден астам балуан қатысты.

Еске салайық, осыған дейін Ризабек Айтмұхан күрестен Қазақстан чемпионатының финалында жеңіліп қалғанын жазғанбыз.