Қазақстандық балуандар Олимпиада ойындарына дайындалып жатыр (видео)

Еркін күрестен Қазақстан ұлттық құрамасы Париж Олимпиадасына дайындалып жатыр. Бұл туралы KAZ.NUR.KZ Қазақстан күрес федерациясының Instagram-дағы ресми парақшасына сілтеме жасап хабарлайды.

Еркін күрестен әлем чемпионы Ризабек Айтмұханның айтуынша, қазақстандық балуандар Азия чемпионаттарына, Олимпиада ойындарына жаттығуды бастады.

"Қазір құрама командамен бірге "Ақбұлақ" олимпиадалық орталығында оқу-жаттығу жиынын өткізіп жатырмыз. Бізге жанкүйер болыңыздар!", – деді Ризабек Айтмұхан.

Посмотреть эту публикацию в Instagram

Публикация от Instagram

Айта кетейік, Қазақстан күрес федерациясы еркін күрестен клубтық әлем кубогына қатысатын балуандардың тізімін жариялады. Бұл жарыста ел намысын келесі спортшылар қорғайды:

• 57 келі – Дәулет Теміржанов;
• 61 келі – Қуат Әміртаев;
• 65 келі – Нұрахмет Дидар;
• 70 келі – Дүйсенқұл Құаныш;
• 74 келі – Джакупов Мұрат/Досжанов Санжар;
• 79 келі – Ергеш Дәулет;
• 86 келі – Жігер Закиров;
• 92 келі – Абдиманап Кенжеев;
• 97 келі – Серік Бақытханов;
• 125 келі – Нұрсултан Азов.

Еске салайық, Ризабек Айтмұхан күрестен Қазақстан чемпионатының финалында жеңіліп қалған еді. Кейін ұлттық құрама бапкері ел біріншілігінің финалы жайлы пікірін айтты.

Мәтіннен қате тапсаңыз, бізге жазыңыз