Қазақстандық балуан Мейрамбек Қартбай Бішкекте (Қырғызстан) өтіп жатқан күрес түрлерінен Азия чемпионатының қола жүлдегері атанды. Бұл туралы KAZ.NUR.KZ тілшісі хабарлайды.
Еркін күрестен 57 кг салмақ дәрежесінде сынға түскен Мейрамбек Қартбай жұбаныш белдесуінде қытайлық балуан Вею Лиді 7:2 есебімен жеңді. Мейрамбек жартылай финалда Жапония өкілі Кенту Юмиядан 2:4 есебімен жеңіліп, финалға өте алмай қалған еді.
Бүгін, 11 сәуірде тағы бір қазақстандық балуан Азамат Өміржанов (79 кг) қола жүлде үшін белдеседі. Оның қарсыласы - Өзбекстан өкілі Асомиддин Хасанов.
Сондай-ақ бүгін еркін күрестен әлем чемпионы Ризабек Айтмұхан финалда бахрейндік балуан Ахмед Тажудиновпен алтын жүлдені сарапқа салады. 97 кг салмақтағы Ризабек жартылай финалда Вики Викиді (Үндістан) жеңіп, финалға жолдама алған еді.
Мақаланың түпнұсқасы: https://kaz.nur.kz/sport/fight/2083256-meirambek-qartbai-erkin-kuresten-aziya-cempionatynyn-qola-zuldegeri-atandy/
