Қазақстандық төрт балуан қыз Азия чемпионатының қола жүлдесі үшін күреседі (фото)

Қазақстандық төрт балуан қыз Азия чемпионатының қола жүлдесі үшін күреседі. Зульфия Яхьярова, Диана Каюмова мен Эльмира Сыздықова, Альбина Қайыргелдинова күресетін Азия чемпионаты Бішкекте өтіп жатыр, деп хабарлайды KAZ.NUR.KZ.

Бүгін Бішкектегі Азия чемпионатында әйелдер күресінен 5 салмақ (50, 55, 59, 68, 76 кг) дәрежесі бойынша жеңімпаздар мен жүлдегерлер анықталады.

Қазақстандық Зульфия Яхьярова (55 кг), Диана Каюмова мен Эльмира Сыздықова (76 кг) алғашқы іріктеу кезеңінде сәтті өнер көрсетіп, келесі айналымға өтті. Енді жартылай финалда Яхьярова Оңтүстік Корея өкілі Кёнг Рёнг Охпен, Каюмова моңғолиялық Анудари Батхуягпен, ал Сыздықова қырғызстандық Айпери Медетқызымен күреседі.

Сонымен қатар қола жүлде үшін күресетін арулар арасында қазақстандық Альбина Қайыргелдинова да бар. Ол Гульнара Таштанбекова есімді балуан қызбен күреседі.

Айта кетейік, финал бүгін 17:00-де Qazsport телеарнасының тікелей эфирінде көрсетіледі.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз