Ризабек Айтмұхан Будапешттегі рейтингтік турнирде қола жүлде үшін күреседі

Еркін күрестен Қазақстан құрамасының мүшесі Ризабек Айтмұхан Будапештте (Мажарстан) өтіп жатқан ІІ халықаралық рейтингтік турнирдің қола жүлдесіне таласады. Бұл туралы KAZ.NUR.KZ тілшісі хабарлайды.

97 кг салмақта бақ сынап жатқан Ризабек Айтмұхан жартылай финалда әзербайжандық Магомедхан Магомедовтен 15:7 есебімен жеңіліп қалды. Енді Ризабек үшінші орынға таласта Батырбек Цакуловпен белдеседі. Ал Магомедов ақтық бәсекеде тағы бір қазақстандық балуан Әлішер Ерғалимен алтын жүлдені сарапқа салады.

Айта кетейік, рейтингтік турнирдің финалына Қазақстан құрамасынан 125 кг салмақтағы Юсуп Батырмырзаев та өтті. Ол жартылай финалда үш дүркін әлем чемпионы, Рио және Токио Олимпиадасының жүлдегері грузиялық Гено Петрошвилиді ұтқан болатын. Ал ақтық сында АҚШ өкілі Мэйсон Марк Пэрриспен кездеседі.

Мәтіннен қате тапсаңыз, бізге жазыңыз