Пара дзюдодан Қазақстан құрамасының өкілі Ақмарал Науатбек Париждегі жазғы Паралимпиада ойындарының жартылай финалында жеңіске жетті. Бұл туралы KAZ.NUR.KZ хабарлайды.
48 кг салмақ дәрежесінде J2 санатында өнер көрсеткен Ақмарал Науатбек жартылай финалдық кездесуде түркиялық спортшы Джахиде Экемен белдесті. Ақмарал Науатбек қарсыласын 11:0 есебімен айқын жеңіп, финалға жолдама алды.
Енді ол Паралимпиада ойындарының алтын медалі үшін күреседі. Финалдық белдесу бүгін, 5 қыркүйекте Астана уақыты бойынша сағат 19:00-де басталады.
Ақмара Науатбек Париждегі жазғы Паралимпиада ойындарының ширек финалында Үндістан дзюдошыссы Кокиладан 10:0 есебімен басым түскен.
Еске сала кетейік, Ақмарал Науатбек 2022 жылғы әлем чемпионы және Азия ойындарының жеңімпазы атанған.
Мақаланың түпнұсқасы: https://kaz.nur.kz/sport/fight/2157703-aqmaral-nauatbek-paralimpiada-altyny-ushin-beldesedi/
