Қырғызстан Қазақстанда өтетін халықаралық турнирге 10 балуанын жіберді

Атырауда грек-рим, еркін күрестен өтетін Oil Capital Cup халықаралық турниріне қатысатын спортшылардың есімі белгілі болды. Бұл туралы KAZ.NUR.KZ тілшісі хабарлайды.

Sport AкиPress басылымының мәліметінше, Oil Capital Cup халықаралық турнирінде грек-рим күресінен Қырғызстан құрамасының 10 спортшысы бақ сынайды. Бұл күрес түрінен 10 медаль жиынтығы сарапқа салынады.

Грек-рим күресінен Қырғызстан командасының құрамы:

• 60 кг – Ақыл Сулайманов пен Нұрмұхаммед Абдуллаев;
• 67 кг – Раззак Бейшекеев және Аманат Саматұлы;
• 72 кг – Әділхан Нұрланбеков пен Имур Темирбеков;
• 77 кг – Ырыскелді Мақсатбекұлы;
• 82 кг – Бекзат Орынқұлұлы;
• 97 кг – Нурманбет Райымалыұлы;
• 130 кг – Ерлан Манатбеков;
• Аға бапкерлер – Арсен Эралиев пен Ұлықбек Карачолоков.

Ал Report.az басылымының хабарлауынша, Атыраудағы турнирге Әзербайжан атынан еркін күрестен Мұса Агаев (65 кг), Канан Хейбатов (70 кг) және Ашраф Аширов (79 кг) қатысады.

Айта кетейік, "Біріккен күрес әлемі" (UWW) ұйымының күнтізбелік жоспарына енген Oil Capital Cup турнирі 17-21 қыркүйек аралығында өтеді.

Мәтіннен қате тапсаңыз, бізге жазыңыз