Қазақстандық балуан Ризабек Айтмұхан Албанияда өтіп жатқан жастар арасындағы әлем чемпионатының ширек финалына жолдама алды. Бұл туралы KAZ.NUR.KZ хабарлайды.
Ризабек Айтмұхан Албания астанасы Тиранада өтіп жатқан 23 жасқа дейінгі спортшылар арасындағы күрестен әлем чемпионатының ширек финалына жолдама алды.
Әлем чемпионатының алғашқы белдесуінде 97 кг дейінгі салмақта сынға түскен Ризабек Айтмұхан канадалық Каллум Уильям Нокты 11:0 есебімен жеңді.
Енді ширек финалда Ризабек Айтмұхан польшалық балуан Тарон Сахинян – Владислав Козлов жұбының жеңімпазымен кездеседі.
Айта кетейік, Ризабек Айтмұхан қыркүйекте Испанияда өткен 20 жасқа дейінгі спортшылар арасында өткен әлем чемпионатында қарсылас шақ келтірмей, жеңімпаз атанған болатын.
Мақаланың түпнұсқасы: https://kaz.nur.kz/sport/fight/2178986-rizabek-aitmuhan-alem-chempionatynyng-shirek-finalyna-shyqty-video/
