Ерасыл Қажыбаев "Қазақстан барысы – 2024" турнирінің жеңімпазы атанды (видео)

Астанада өткен қазақ күресінен XIII республикалық "Қазақстан барысы" турнирінің жеңімпазы анықталды. Бұл туралы KAZ.NUR.KZ хабарлайды.

Астанадағы "Барыс Арена" спорт кешенінде қазақ күресінен ХІІІ республикалық "Қазақстан барысы" турнирінің финалында Ерсұлтан Мұзаппаров (Шымкент қаласы) пен Ерасыл Қажыбаев (Абай облысы) белдесті.

Нәтижесінде "Қабанбай" лақапатымен белгілі Ерасыл Қажыбаев қарсыласынан басым түсті.

Ал аталмыш жарыстың 3-орын үшін белдесуінде Саят Шамшиев (Абай облысы) пен Әділ Оразбаев (Әскер барысы) шеберлік байқасқан болатын. Нәтижесінде Саят Шамшиев соңғы секундтарда қарсыласынан жеңісті жұлып алды.

Айта кетейік, турнирдің жалпы жүлде қоры 27 100 000 теңгені құрайды, оның ішінде 3 720 000 теңге спортшылардың жаттықтырушыларына беріледі. Жүлделер келесідей бөлінеді: 1-орын үшін – 15 000 000 теңге, 2-орын үшін – 3 300 000 теңге, 3-орын үшін – 1 080 000 теңге. Әр жеңіске жеткен белдесуі үшін балуан 100 000 теңге алады.

Посмотреть эту публикацию в Instagram

Публикация от Instagram

Мәтіннен қате тапсаңыз, бізге жазыңыз