Тиранада (Албания) өткен олимпиадалық емес салмақ санаттары бойынша әлем чемпионатының күміс жүлдегері Жәмилә Бақбергенова елге оралды. Бұл туралы KAZ.NUR.KZ Спортты дамыту дирекциясының баспасөз қызметіне сілтеме жасап хабарлайды.
Әлем чемпионатының күміс жүлдегері Жәмилә Бақбергенованы Астана әуежайында жанкүйерлері, жақындары мен БАҚ өкілдері күтіп алды.
Айта кетейік, 72 кг дейінгі салмақта сынға түскен Жәмилә Бақбергенова финалда жапониялық Ами Исиимен кездесті. Нәтижесінде қазақстандық спортшы Жәмилә Бақбергенов жапониялық қарсыласына 6:8 есебімен есе жіберіп қойды.
Бұл 28 жастағы бозкілем шебері Жәмилә Бақбергенованың ересектер арасындағы әлем чемпионатындағы төртінші медалі. Жәмила 2021 жылы Ослода, 2022 жылы Белградта күміс жүлдегер атанған. Ал былтыр Сербия астанасында үздік үштікті түйіндеген.
Мақаланың түпнұсқасы: https://kaz.nur.kz/sport/fight/2181575-alem-chempionatynyng-kumis-zhuldegeri-zhamila-baqbergenova-elge-oraldy/
