Үш дүркін Азия чемпионы Азамат Дәулетбеков Астанадағы ірі жарыста бақ сынайды

29 қараша күні Астанада өтетін күрестен Wrestling Stars дәстүрлі турниріне қатысатын тағы бір балуан белгілі болды. Бұл туралы Sportbugin.kz хабарлайды.

Елорда бозкілеміне еркін күрестен 3 дүркін Азия чемпионы, әлем чемпионаттарының қола жүлдегері Азамат Дәулетбеков шығады.

86 келі салмақта белдесетін балуанның қарсыласы жақын арада белгілі болмақ.

Еске сала кетейік, дүбірлі додаға еркін және грек-рим күресінен әлемдік спорттағы танымал балуандар қатысады. Олардың қатарында даңқты италиялық балуан Франк Чамисо да бар.

Wrestling Stars турнирі 29 қараша күні Астанадағы Beeline Arena  спорт кешенінде өтеді.