Португалия құрамасының Мароккомен өткен ойынында көпшілік Криштиану Роналдудың соққан голына ғана емес, оның өсіріп алған сақалына да таңғалған. Жанкүйерлер футболшының жаңа образы Мессиді мазақ ету мақсатында жасалғанын айтып болжауда деп хабарлайды eurosport.ru сайтына сілтеме жасаған NUR.KZ.
Бұған дейін Португалияның Испаниямен ойыны кезінде Роналду соққан голын иегін қасып тойлаған. Португалиялық жұлдыздың голын атап өтуінің ерекше түрі көпшілікті таңғалдырған болатын.
Жанкүйерлер бұл әрекетті Мессиді мазақ ету деп түсіндіруде. Алайда, Роналдудың неліктен мұндай әрекетке барғаны Мароккомен өткен кешегі ойында белгілі болды.
Топтық кезең аясындағы кездесуге шабуылшы өсіп кеткен сақалмен шыққан.
"Испаниямен болар ойынның алдында Куарежма екеуміз моншада отырып бәс тіктік. Егер мен Испанияға гол соқсам чемпионат соңына дейін бұл сақалды қырмаймын деп сөз бердім. Көргендеріңіздей, мен испаниялықтардың қақпасына бір емес, үш гол салдым. Бұл сақал жеңіс әкеледі, сол себепті мен оны қалдыруды шештім" , - деді португалиялық жұлдыз.
Мақаланың түпнұсқасы: https://kaz.nur.kz/sport/football/1738330-sakal-kojyp-algan-jgili-ronaldu-zrtty-tadanysyn-tudyrdy-foto/
