Франция 20 жылдан соң әлем чемпионатының жеңімпазы атанды

Франция Ресейде өтіп жатқан футболдан әлем чемпионатының жеңімпазы болып атанды деп хабарлайды NUR.KZ.

Матчтың бірінші таймы 2:1 есебімен Франция құрамасының пайдасына шешілген еді. Француздар екі голды да пенальтиден соққан болатын.

Сондай-ақ, футболдан әлем чемпионатының финалында тарихта бірінші рет автогол соғылды. Матчтың 18-минутында Марио Манджукич өз қақпасына гол соққан еді.

Ойынның 28-минутында Иван Перешич француздардың қақпасына гол соққан болатын.

Тартысты кездесудің 38-минутында Гризманн, 59-минутында Погба, 65-минутында Мбаппе, 69-минутында Манджукич гол соқты.

Айта кетейік, ФИФА-ның футболдан 21-ші әлем чемпионаты 14 маусым мен 15 шілде аралығында Ресейдің 11 қаласында (12 стадион): Волгоград, Екатеринбург, Қазан, Калининград, Мәскеу, Нижний Новгород, Ростов, Самара, Санкт-Петербург, Саранск және Сочиде өтті. Топтық кезең 28 маусымда аяқталса, финалдық ойындар 15 шілде күні өз мәресіне жетті. Бұл жарысқа әлемнен ең таңдаулы 32 ұлттық құрама қатысқан болатын.

Мәтіннен қате тапсаңыз, бізге жазыңыз