2019 жылы бағалары күрт төмендеген футболшылар тізімі жарияланды
Опубликовано:
Transfermarkt порталы 2019 жылы бағалары айтарлықтай төмендеген футболшылардың тізімін жариялады деп хабарлайды KAZ.NUR.KZ Vesti.kz-ке сілтеме жасап.
Биыл трансферлік бағасы күрт төмендеген футболшылар тізімінде бразилиялық жартылай қорғаушы Филиппе Коутиньо көш бастады.
Мюнхендік "Бавария" осы жылы ойыншыны Испанияның "Барселонасынан" жалға алған болатын. Бір жыл ішінде бразилиялық футболшының трансферлік бағасы екі есе төмендеген – 70 миллион еуро.
Екінші орында – мадридтік "Реалдың" қорғаушысы Марсело. Оның бағасы 50 миллион еуроға төмендеген.
Үштікті испаниялық "Барселонаның" жартылай қорғаушысы Иван Ракитич түйіндейді. Хорватиялық легионердің трансферлік бағасы 40 миллион еуроға арзандаған.
Бұдан бөлек, аталған тізімге әлемнің үздік футболшылары Леонель Месси мен Криштиану Роналдудың да енгенін атап өткен жөн. Осылайша, аргентиналықтың бағасы 20 миллион еуроға арзандаса, португалиялық жұлдыздың трансферлік құны 25 миллион еуроға төмендеген екен.
2019 жылы трансферлік нарықта бағалары құлдыраған ТОП-10 футболшылар тізімі мынадай:
Еске сала кетейік, футболдан Чемпиондар лигасының 1/8 финалына өткен клубтардың қарсыластары белгілі болды.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/1833235-2019-zyly-bagalary-krt-tmendegen-futbolsylar-tizimi-zarialandy/