Футболдан Еуропа чемпионатын отандық телеарналардан 2,5 млн көрермен тамашалаған

Футболдан UEFA EURO 2020 турнирін бір ай бойы отандық телеарналардан 2,5 миллион қазақстандық тамашалаған деп хабарлайды ҚазАқпарат.

"Қазақстан" телерадиокорпорациясы TNS Central Asia зерттеу компаниясының деректеріне сүйене отырып, футбол матчтарын телеарналар арқылы тамашалаған көрермен санын жариялады.

"Qazaqstan" және "Qazsport" телеарнасынан көрсетілген 51 ойынды жалпы 2 486 184 мың адам қараған.

Оның ішінде ең көп көрермен жинаған TOP-5 матчтың қатарында Англия – Германия, Португалия – Германия, Хорватия – Испания, Уэльс – Дания, Дания – Бельгия арасындағы кездесулер бар.

Бес ойынның жалпы жанкүйерлер саны – 885 460 адам.

"Qazaqstan" және "Qazsport" телеарналарының ресми сайты және Qazaqstan.tv мобильді қосымшасы арқылы ең көп қаралған матчтар бестігін Италия-Англия арасындағы ойын бастап тұр.

Финалдық матчты 281 339 көрермен онлайн тамашалаған.

Сайт және мобильді қосымша арқылы ең көп қаралған ойындар:

Венгрия – Португалия (155 483 көрермен);

Түркия – Италия (131 590 көрермен);

Франция – Германия (114 374 көрермен);

Бельгия – Ресей (103 764 көрермен).

Айта кетейік, TNS Central Asia компаниясының зерттеулері 100 мыңнан аса тұрғыны бар қалалар арасында жүргізіледі.

UEFA EURO 2020 ойындарын Қазақстан аумағында көрсету құқығын тек "Qazaqstan" және "Qazsport" телеарналары иеленген.

Мәтіннен қате тапсаңыз, бізге жазыңыз