Юрген Клопп АПЛ-дың үздік бапкері атанды

"Ливерпульдің" неміс жаттықтырушысы Юрген Клопп Англия чемпионатының ең үздік бапкері атанды, деп хабарлайды KAZ.NUR.KZ тілшісі АПЛ-дың ресми сайтына сілтеме жасап.

Еске сала кетейік, өткен демалыста футболдан Англия біріншілігі өз мәресіне жетті.

38 турда 93 ұпай жинаған "Манчестер Сити" чемпион атанса, бір ұпай кем жинаған "Ливерпуль" клубы екінші орынды қағанат тұтты.

"Ливерпуль" биылғы маусымда Англия кубогының жеңімпазы атанды.

Одан бөлек Юрген Клопп жаттықтыратын ұжым 28 мамыр күні Чемпиондар лигасының финалында мадридтік "Реалмен" кездеседі.

Осылайша, бір маусымда үздік нәтиже көрсеткен неміс бапкері АПЛ-дың үздік бапкері атанып отыр. 54 жастағы Юрген Клопп 2020 жылы да бұл атаққа қол жеткізген болатын.

Сонымен қатар ол лига жаттықтырушылары қауымдастығының шешімімен АПЛ-дың жыл бапкері атанып отыр.

Айта кетейік, АПЛ-дың үздік бапкері атағын Алекс Фергюсон 11 рет, Арсен Венгер, Хосе Моуриньо және Пеп Гвардиола секілді атақты бапкерлер үш рет иеленген.

Мәтіннен қате тапсаңыз, бізге жазыңыз