"Астана" сапынан Қазақстан ұлттық құрамасының жартылай қорғаушысы кетті

"Астана" футбол клубының баспасөз қызметі ұжым сапынан Юрий Перцухтың кеткенін хабарлады, деп жазады KAZ.NUR.KZ тілшісі.

Қазақстан ұлттық құрамасының жартылай қорғаушысы елордалық клуб сапына 2017 жылдың күзінде қосылған еді.

Перцух "Астанадағы" дебютін 2018 жылы наурызда өткізді.

Юрий елордалық команда құрамында 70 матч өткізіп, 6 гол соғып, 4 нәтижелі пас берді.

Ол клуб сапында екі рет Қазақстан чемпионатының жеңімпазы және Суперкубок иегері атанды.

"Біз Юрийге команданың жетістіктеріне қосқан үлесі үшін алғыс айтамыз және мансап жолында сәттілік тілейміз", - делінген хабарламада.