Португалиялық футболшы Педро Эуженио елордалық "Астана" клубынан кететін болды, деп хабарлайды KAZ.NUR.KZ тілшісі.
Бұл ақпаратты "Астана" футбол клубының баспасөз қызметі әлеуметтік желісіндегі парақшасында растады.
"Педро Эуженио келісім-шарт мерзімі аяқталған соң "Астана" футбол клубынан кетеді. Елордалық клуб сапында ол 44 матч өткізіп, 24 гол соғып, 8 нәтижелі пас берді.
Педроға команданың жетістігіне қосқан зор үлесі үшін алғыс білдіреміз және алдағы уақытта сәттілік тілейміз", - делінген хабарламада.
Еске сала кетейік, Педро Эуженио өткен маусымда футболдан Қазақстан біріншілігінің үздік сұрмергені болды. Жартылай қорғаушы 24 ойында 18 рет мергендігімен көзге түсті.
Мақаланың түпнұсқасы: https://kaz.nur.kz/sport/football/2006759-futboldan-qazaqstan-birinsiliginin-otken-mausymdagy-surmergeni-astana-sapynan-ketetin-boldy/
