Түнде футболдан Италия чемпионатының 20-турының бірнеше матчы өтті, деп хабарлайды KAZ.NUR.KZ тілшісі.
"Сан Сиро" стадионында "Милан" турнирлік кестесінің соңғы жағында тұрған "Сассуоломен" кездесті. Тартысты өткен матчта алаң иелері 2:5 есебімен жеңіліп қалды. Гол авторлары: Жиру, Ориги - Дефрель, Фраттези, Берарди, Лрьянте, Матеус Энрике.
Сонымен қатар, түнде "Ювентус" өз алаңында "Монцаға" (0:2) есе жіберді.
Ал "Наполи" Жозе Моуриньо жаттықтыратын "Ромадан" 2:1 есебімен басым түсті.
Айта кетейік, қазіргі уақытта турнирлік кестеде "Наполи" 53 ұпаймен көш бастап тұр. Екінші орында 40 ұпайы бар "Интер". Ал "Милан" клубы 38 ұпаймен бесінші орынға жайғасқан.
Мақаланың түпнұсқасы: https://kaz.nur.kz/sport/football/2007234-milan-oz-alanynda-iri-eseppen-utyldy/
