"ПСЖ" мен "Реймс" арасындағы матчта күтпеген нәтиже тіркелді

Түнде футболдан Франция біріншілігінің 20-турының матчтары өтті, деп хабарлайды KAZ.NUR.KZ тілшісі.

"ПСЖ" өз алаңында "Реймс" клубын қабылдады. "Парк де Пренс" стадионында өткен матчта тең есеп тіркелді (1:1). Ойын барысында "ПСЖ" сапынан Неймар, "Реймстен" Фоларин Балогун мергендігімен көзге түсті.

Осылайша, футболдан Франция біріншілігінің 20-турында сенсациялық нәтиже тіркелді.

Айта кетейік, "ПСЖ" жартылай қорғаушысы Марко Вератти 59-минутта қызыл қағаз алып, алаңнан қуылды.

Сонымен қатар түнде "Аяччо" - "Лион" арасында матч өтіп, қонақтардың жеңісімен аяқталды. Есеп 0:2. Гол авторлары: Жоанн Лепенан, Александр Ляказетт.

Қазіргі уақытта "ПСЖ" турнирлік кестеде 48 ұпаймен көш бастап тұр. Екінші орынға "Ланс" жайғасқан (45 ұпай). Үшінші сатыда 43 ұпайы бар "Марсель". Ал "Лион" 28 ұпаймен тоғызыншы орында келеді.

Мәтіннен қате тапсаңыз, бізге жазыңыз