"Қызылжар" сапын екі шетел футболшысы толықтырды

"Қызылжар" футбол клубы екі ойыншымен келісімшартқа отырды, деп хабарлайды KAZ.NUR.KZ тілшісі.

Футбол клубының баспасөз қызметі ұсынған ақпаратқа сәйкес, Младен Веселинович пен Иван Граф "Қызылжар" ойыншысы атанған.

Айта кетейік, Младен Веселинович - Босния футболының түлегі. Ол "Слобода", "Борац Баня-Лука",, "Железничар", "Баник мост", Тузла-Сити" секілді клубтарда доп тепкен.

Ал Иван Граф - Хорватия футболының түлегі. Қорғаушы "Врапце", "Лукко", "НК Загреб", "Истра 1961", "Таврия", "Ертіс" және "Қайсар" клубтарында ойнаған.

Соңғы екі маусымда ол қарағандылық "Шахтер" сапында 43 матчқа қатысып, 2 гол салды.

Мәтіннен қате тапсаңыз, бізге жазыңыз